Beatriz Romero Rodríguez

Nacida en Baio (A Coruña). Licenciada en Comunicación Audiovisual pola Universidade de Santiago de Compostela e Máster en Produción e Xestión Audiovisual na Universidade da Coruña. Foi bolseira no Centro Galego de Artes da Imaxe -Filmoteca de Galicia- e na gravación da serie Matalobos. Xunto a catro compañeiros funda no 2012 Compás da Costa, revista e axenda cultural da Costa da Morte, na que escribe ata o seu peche no 2015. En paralelo, realiza unha estancia en Polonia traballando no equipo de comunicación de Wroclaw, Capital Europea da Cultura.

En xaneiro do 2015 chega a Londres coa oportunidade de facer prácticas en no.w.here, colectivo de artistas que traballan con filmes experimentais. Dende a súa chegada á capital británica únese ao equipo do Galician Film Forum co obxectivo de partillar o seu interese polo cinema galego e contribuír á súa difusión. Dende 2018 e xa de volta en Galicia, segue a colaborar nas actividades do GFF.

Voltar a ‘Ponnos cara’