Aos poucos, o Galician Film Forum vaise asentando como unha cita londinense co cine galego (e doutros sitios) grazas ao voso apoio. Máis de 150 persoas reservaron entrada para acompañarnos o pasado 2 de decembro e gozar coa selección que preparamos para coñecer un poco mellor ‘a raia’. Tampouco queremos esquecer dar as grazas aos directores das obras proxectadas, á Agência dá Curta Metragem de Portugal pola súa colaboración nesta edición transfronteriza, ao King’s College polo espazo (é moi especialmente ao Department of Spanish, Portuguese & Latin American Studies), a María Pequeno (a nosa tradutora favorita), a Gonzalo Pais (técnico audiovisual voluntario) e a todos os que mercaches algunha chapiña ou fixeches unha doazón. Graciñas a todos!
Tamén nos gustaría agradecerlles aos medios e ás institucións a súa axuda na difusión da proxección e, por se perdestes algo, velaquí o resumo do impacto desta edición:
- Entrevista a noso compañeiro Duarte Romero en Voces de Galicia. 1ª edición. Radiovoz (08/12/2016).
- ‘La raya’, la frontera entre Galicia y Portugal, protagoniza la quinta edición del Galician Film Forum. España Exterior (07/12/16).
- Londres no renuncia al cine gallego. (Versión en papel). La Voz de Galicia (04/11/2016).
- Londres, capital del cine gallego por un día. Faro de Vigo (30/11/16).
- La “Raia” centra la quinta edición del Galician Film Forum de Londres. Faro de Vigo (29/11/16).
- ‘La raya’, la frontera entre Galicia y Portugal, protagoniza la quinta edición del Galician Film Forum. El Ibérico (28/11/16).
- La Raya at the Galicia Film Forum. Office for Cultural and Scientific Affairs – Embassy of Spain (novembro, 2016).
- 5ª Edición do Galician Film Forum – ‘A Raia’, en Londres. Secretaría Xeral da Emigración, Xunta de Galicia (novembro, 2016).
- Galician Film Forum: A raia. King’s College London (novembro, 2016).
Por outra banda, foi unha pena que os problemas da conexión nos obrigaran a cancelar o coloquio coa directora Diana Gonçalves, pero xa estamos a traballar para buscar outras alternativas nas vindeiras edicións.
Deixámosvos cunha selección de fotos da Raia Edition e, aproveitando que xa se comezan a sentir as panxoliñas, desexámosvos un bo Nadal e un marabilloso e intenso 2017 cheo de bo cine. Ata o vindeiro GFF!
